|| श्री ||

निश्चय प्रेम प्रतीति ते, बिनय करै सनमान । 
तेहि के कारज सकल सुभ, सिद्ध करै हनुमान ॥

चौपाई
जय हनुमंत संत हितकारी | सुन लीजे प्रभु अरज हमारी || 
जन क काज विलम्ब न कीजै | आतुर दौरि महा सुख दीजे || 

जैसे कूदि सिंधु महिपारा । सुरसा बदन पैठि बिस्तारा ॥
आगे जाय लंकिनी रोका । मारेहु लात गई सुरलोका ॥ 

जाय बिभीषन को सुख दीन्हा । सीता निरखि परमपद लीन्हा ॥
बाग उजारि सिंधु महं बोरा । अति आतुर जमकातर तोरा ॥ 

अक्षय कुमार मारि संहारा । लूम लपेटि लंक को जारा ॥
लाह समान लंक जरि गई । जय जय धुनि सुरपुर नभ भई ॥

अब बिलंब केहि कारन स्वामी । कृपा करहु उर अंतरयामी ॥
जय जय लक्ष्मण प्रान के दाता । आतुर ह्वै दुख करहु निपाता ॥ 

जय गिरिधर जय जय सुख सागर | सुर समूह समरथ भटनागर || 
ॐ हनु हनु हनु हनुमंत हठीले । बैरिहि मारु बज्र की कीले ॥ 

गदा बज्र ले बैरिहि मारो | महाराज प्रभु दास उबारो || 
ॐकार हुंकार महाप्रभु धावो | बज्र गदा हनु विलम्ब न लावो || 

ॐ ह्रीं ह्रीं ह्रीं  हनुमंत कपीसा । ॐ हुं हुं हुं हनु अरि उर सीसा ॥ 
सत्य होउ हरी शपथ पायके | राम दूत धरु मारु धाय के || 

जय जय जय हनुमंत अगाधा | दुःख पावत जन केहि अपराधा || 
पूजा जप तप नेम अचारा | नहीं जानत कछु दास तुम्हारा || 

वन उपवन मग गिरी गृह माहि | तुमरे बल हम डरपत नाही || 
पाय परौ कर जोरि मानवो | यह अवसर अब केहि गोहरावौं || 

जय अंजनि कुमार बलवंता । शंकरसुवन बीर हनुमंता ॥ 
बदन कराल काल-कुल-घालक । राम सहाय सदा प्रतिपालक ॥

भूत, प्रेत, पिसाच निसाचर । अगिन बेताल काल मारी मर ॥
इन्हें मारु, तोहि सपथ राम की । राखु नाथ मरजाद नाम की ॥

जनकसुता हरी दास कहावो | ताकि सपथ विलम्ब न लावो || 
जै जै जै धुनि होत अकासा । सुमिरत होय दुसह दुख नासा ॥ 

चरण शरण कर जोरि मनावो | यही अवसर अब केहि गोहरावौं || 
उठी उठी चलु तोहि राम दुहाई | पाय परौ कर जोरि मनाई || 

ॐ चं चं चं चं चपल चलंता । ॐ हनु हनु हनु हनु हनुमंता ॥ 
ॐ हं हं हांक देत कपि चंचल । ॐ सं सं सहमि पराने खल-दल ॥

अपने जन को तुरत उबारौ । सुमिरत होय आनंद हमारौ ॥ 
यह बजरंग-बाण जेहि मारै । ताहि कहौ फिरि कवन उबारै ॥

पाठ करै बजरंग-बाण की । हनुमत रक्षा करै प्रान की ॥
यह बजरंग बाण जो जापै  । तासों भूत-प्रेत सब कापैम् ॥

धूप देय अरु जपै हमेसा । ताके तन नहिं रहै कलेसा ॥

जय हनुमान जय हनुमान | जय हनुमान जय जय हनुमान ||
जय हनुमान जय हनुमान | जय हनुमान जय जय हनुमान ||
जय हनुमान जय हनुमान | जय हनुमान जय जय हनुमान ||
जय हनुमान जय हनुमान | जय हनुमान जय जय हनुमान ||
जय हनुमान जय हनुमान | जय हनुमान जय जय हनुमान ||
जय हनुमान जय हनुमान | जय हनुमान जय जय हनुमान || 

दोहा
उर प्रतीति दृढ़, सरन ह्वै, पाठ करै धरि ध्यान ।
बाधा सब हर, करैं सब काम सफल हनुमान ॥